Lesson 6: Conversation

01
English
Maya Show All Hide All
Juan and his cousin are walking.
show
Juan yéetel u primoeʾ tun xíimbaloʾob.
His cousin's name is David.
show
U kʾaaba u primoeʾ David.
David is from Mexico.
show
Davideʾ Mexico u taal.
But he likes Yucatán.
show
Pero, uts tu yich Yucatán.
He's learning Maya, but he doesn't speak well in Maya.
show
Tun kanik mayaʾ pero maʾ maʾalob u tʾaan ich mayaʾ.
02
Prompt
Character
Response Show All Hide All
Alberto, kʾáat tiʾ Pedro máax ku yilik.
Alberto
show
Máax ka wilik Pedro.
Pedro, aʾal tiʾ máax ka wilik (two men).
Pedro
show
Tin wilik kaʾa túul máak.
Alberto, kʾáat tiʾ Pedro baʾax ku beetikoʾob le kaʾa túul máakoʾoboʾ.
Alberto
show
Baʾax ku beetikoʾob le kaʾa túul máakoʾoboʾ.
Pedro, aʾal tiʾ Alberto (they are just walking).
Pedro
show
Chéen táan u xíimbaloʾob.
Alberto, kʾáat (where are they going).
Alberto
show
Tuʾux ku binoʾob.
Pedro, aʾal tiʾ Alberto a tukulikeʾ (they are just going shopping).
Pedro
show
In tukulikeʾ chéen tun binoʾob j maan.
Pedro, aʾal tiʾ Juan yéetel u primo hola sukuʾuneʾex. Kʾáat tiʾ letiʾoʾob tuʾux ku binoʾob.
Pedro
show
Hola sukuʾuneʾex, tuʾux ka bineʾex.
Juan, aʾal tiʾ táan a bineʾex kʾíiwik.
Juan
show
Táan k bin kʾíiwik.
Juan, tsol tiʾ le u láakoʾoboʾ máax le a wéet taaloʾ yéetel bix u kʾaaba letiʾ.
Juan
show
Lelaʾ in primo u kʾaabaʾeʾ David.
Alberto, aʾal tiʾ David kiʾimak a wóol ikil a meyajtik.
Alberto
show
Kiʾimak in wóol ikil in meyajtikech.
David, aʾal tiʾ Alberto bey xan teech.
David
show
Bey xan teen.
Pedro, kʾáat tiʾ David tuʾux u taal.
Pedro
show
Tuʾux a taal David.
David, aʾal tiʾ Pedro techeʾ Mexico a taal.
David
show
Teneʾ Mexico in taal.
Pedro, aʾal tiʾ David teʾex xaneʾ Mexico a taaleʾex.
Pedro
show
Toʾon xaneʾ Mexico k taal.
David, kʾáat tiʾ letiʾoʾob bix u yilikoʾob le wayaʾ.
David
show
Bix a wilikeʾex le wayaʾ.
Pedro, tsol tiʾ letiʾ jatsʾuts a wilikeʾex jach uts ta wicheʾex tu láakal.
Pedro
show
Jatsʾuts k ilik, jach uts tin wich tu láakal.
Pedro, kʾáat tiʾ David tuʾux tu kanaj mayaʾ tʾaan. Aʾal tiʾ maʾalob u tʾaan ich maya.
Pedro
show
Tuʾux ta kanaj mayaʾ tʾaan. Maʾalob a tʾaan ich maya.
David, kʾáat tiʾ a primo baʾax tu yaʾalaj tsol tiʾ maʾ ta wuʾuyaj jach tu beeliʾ.
David
show
Baʾax tu yaʾalaj. Maʾ tin wuʾuyaj jach tu beeliʾ.
Juan, aʾal tiʾ David Pedróeʾ chéen tu kʾáataj tiʾ tuʾux tu kanaj maya.
Juan
show
Chéen tu kʾáataj teech tuʾux ta kanaj maya.
David, aʾal tiʾ Pedro techeʾ Mexico ta kanaj pero maʾ a wojel yaʾabiʾ.
David
show
Teneʾ Mexico tin kanaj pero maʾ in wojel yaʾabiʾ.
03
English
Maya Show All Hide All
Juan is explaining to Pablo that he is planting.
show
Juaneʾ tun tsolik tiʾ Pablo táan u pakʾal.
As for Pablo, milpa work looks very hard.
show
Pabloeʾ jach talam u yilik u meyjul kool.
It looks hard to Juan, too.
show
Juan xaneʾ jach talam u yilik.
Pablo doesn't have a milpa.
show
Pabloeʾ minaʾan u kool.
Juan has a milpa, but not much.
show
Juaneʾ yaan u kool pero maʾ yaʾabiʾ.
Pablo's brother has a milpa too.
show
U sukuʾun Pabloeʾ yaan u kool xan.
Juan is twenty-two years old.
show
Juaneʾ veintidos años yaan tiʾ.
Pablo is also twenty-two.
show
Pabloeʾ veintidos años xan yaan tiʾ.
Juan isn't married.
show
Juaneʾ maʾ tsʾokaʾan u beeliʾ.
04
Prompt
Character
Response Show All Hide All
Pablo, kʾáat tiʾ Juan baʾax ku beetik.
Pablo
show
Baʾax ka beetik, Juan.
Juan, aʾal tiʾ Pablo chéen táan a chan pakʾal.
Juan
show
Chéen táan in chan pakʾal.
Pablo, aʾal tiʾ Juan techeʾ minaʾan a kool.
Pablo
show
Teneʾ minaʾan in kool.
Juan, kʾáat tiʾ Pablo bix u yilik u meyjul kool.
Juan
show
Bix a wilik u meyjul kool.
Pablo, aʾal tiʾ jach talam a wilik u meyjul kool.
Pablo
show
Teneʾ jach talam in wilik u meyjul kool.
Juan, kʾáat tiʾ Pablo wáa uts tu yich pakʾal.
Juan
show
Uts wáa ta wich pakʾal.
Pablo, aʾal tiʾ leloʾ chan uts ta wich pero jach chéen un pʾíit.
Pablo
show
Leloʾ chan uts tin wich pero jach chéen un pʾíit.
Juan, aʾal tiʾ bey xan le a tiʾaʾaloʾ maʾ yaʾabiʾ.
Juan
show
Bey xan le in tiʾaʾaloʾ ma yaʾabiʾ.
Pablo, kʾáat tiʾ Juan jay pʾéel años yaan tiʾ.
Pablo
show
Jay pʾéel años yaan teech.
Juan, aʾal tiʾ veintidos años yaan tech. Kʾáat tiʾ Pablo kux letiʾ.
Juan
show
Veintidos años yaan teen. ¿Kux teech?
Pablo, aʾal tiʾ teech xaneʾ veintidos años yaan teech.
Pablo
show
Teen xaneʾ, veintidos años yaan teen.
Juan, kʾáat tiʾ tsʾokaʾan wáa u beel u sukuʾunoʾ.
Juan
show
Tsʾokaʾan wáa u beel le a sukuʾunoʾ.
Pablo, aʾal tiʾ maʾ kux letiʾ.
Pablo
show
Maʾ tsʾokaʾan u beeliʾ. Kux teech.
Juan, aʾal tiʾ mix teech maʾ tsʾokaʾan a beeliʾ pero taak a tsʾoʾokol a beel.
Juan
show
Mix teen, maʾ tsʾokaʾan in beeliʾ pero taak u tsʾoʾokol in beel.