Main | Digital Maya

Lesson 18: Conversation

01

My father is very sick.

In papaeʾ láiliʾ kʾojaʾaneʾ.

He has been sick almost two months.

Taʾitak dos meses kʾojaʾanchajak

He can't work very much.

Letiʾeʾ maʾ tu páajtal u seen meyaj.

As I see it, he's getting worse.

Teneʾ bey in wilikeʾ táan u mástal.

The doctor has come to see him.

Tsʾoʾok u taal doctor u yilej.

Questions & Answers

Láiliʾ kʾojaʾan wáa a papaeʾ.

Láiliʾ kʾojaʾaneʾ.

¿Bukaʾaj kʾiin kʾojaʾanchajak?

Taʾitak dos meses kʾojaʾanchajak.

Ku páajtal wáa u meyaj.

Maʾ, maʾ tu páajtal u meyaj.

Táan wáa u mástal.

Teneʾ bey in wilikeʾ táan u mástal.

Kux le doctoroʾ.

Tsʾoʾok u taal doctor u yilej.

02

The doctor wants to give him an injection.

Le doctoroʾ u kʾáat u tsʾa inyección tiʾ.

But my father doesn't like the injection.

Chéen baʾaleʾ in papaeʾ maʾ uts tu tʾaan le inyecciónoʾ.

He doesn't want to go to the hospital because it's very expensive.

Maʾ u kʾáat bin hospitaliʾ tumen jach koʾoj.

The doctor said he would recover with that medicine.

Le doctoroʾ tu yaʾalaj chéen yéetel le tsʾaakoʾ ku yutstal.

Me too, I think so.

Bey xan teen in tukulikeʾ jeʾeleʾ.

Questions & Answers

Baʾax u kʾáat le doctoroʾ.

U kʾáat u tsʾa inyección tiʾ in papa.

A papaeʾ uts wáa tu tʾaan inyección.

Maʾ letiʾeʾ ma uts tu tʾaan inyeccióniʾ.

Baʾaxten maʾ u kʾáat bin hospitaliʾ.

Tumen jach koʾoj.

Baʾax tu yaʾalaj le doctoroʾ.

Tu yaʾalajeʾ chéen yéetel le tsʾaakoʾ ku yutstal.

Kux teech, baʾax ka tukulik.

Bey xan teen in tukulikeʾ jeʾeleʾ.

03

Doctor, kʾáat tiʾ Marcelino baʾax ku máan u kʾiin.

Doctor

Baʾax ku máan u kʾiin, Marcelino.

Marcelino, aʾal tiʾ chéen j taalech a waʾal tiʾ ka taalak u yil a papa.

Marcelino

Chéen j taalen in waʾal teech ka taalakech a wil in papa.

Doctor, káat tiʾ Marcelino bix yanil u papa.

Doctor

Bix yanil a papa, Marcelino.

Marcelino, aʾal tiʾ láiliʾ seen kʾojaʾaneʾ.

Marcelino

Pues, láiliʾ seen kʾojaʾaneʾ.

Doctor, aʾal tiʾ Marcelino maʾ wáa maʾalobchajak u papaoʾ.

Doctor

Maʾ wáa maʾalobchajak u papaoʾ, Marcelino.

Marcelino, aʾal tiʾ maʾ techeʾ bey a wóoleʾ tun mástal.

Marcelino

Maʾ teneʾ bey in wóoleʾ tun mástal.

Doctor, aʾal tiʾ beʾoora ka bin a wilaʾ.

Doctor

Beʾooraʾ kin bin in wilaʾ.

Doctor, aʾal tiʾoʾob j taalech a wil le nojoch máakoʾ.

Doctor

J taalen in wil le nojoch máakoʾ.

Marcelino aʾal tiʾ jeʾ letiʾa,ʾ chéen chilikbal tu kʾaan.

Marcelino

Jeʾ letiʾaʾ, chéen chilikbal tu kʾaan.

04

Doctor, aʾal tiʾ Don Pedro bix u beel.

Doctor

Bix a beel, Don Pedro.

Don Pedro, aʾal tiʾ jach kʾojaʾanech a wuʾuyik a baj.

Don Pedro

Jach kʾojaʾanen in wuʾuyik in baj doctor.

Doctor, aʾal tiʾ bin a kaʾaj a tsʾa un pʾéel inyección tiʾ.

Doctor

Don Pedro bin in kaʾaj in tsʾa tech un pʾéel inyección.

Don Pedro, aʾal tiʾ techeʾ maʾ uts ta tʾaan inyeccióniʾ.

Don Pedro

Teneʾ doctor maʾ uts tin tʾaan inyeccióniʾ.

Doctor, aʾal tiʾ bix túun kun j utstal beyoʾ.

Doctor

Bix túun kan j utstal beyoʾ.

Don Pedro, aʾal tiʾ yaan máax chakik teech tsʾaak.

Don Pedro

Yaan máax chakik teen tsʾaak.

Doctor, aʾal tiʾ pues más maʾalob ka xiʾik hospital.

Doctor

Pues, más maʾalob ka xiʾikech hospital.

Don Pedro, aʾal tiʾ maʾ táan a bin hospital tumen jach koʾoj.

Don Pedro

Maʾ táan in bin hospital tumen jach koʾoj.

Doctor, aʾal tiʾ pues jeʾ u yutstal yéetel le tsʾaak ka tsʾáik tiʾoʾ.

Doctor

Pues, jeʾ a wutstal yéetel le tsʾaak kin tsʾáik techaʾ.

Marcelino, aʾal tiʾ bey xan teech a tukulikeʾ jeʾeleʾ.

Marcelino

Bey xan teen. In tukulikeʾ jeʾeleʾ.

05

José used to live in Mérida.

Joséeʾ kajakbal kaʾach Joʾ.

Actually, he was born in Chicago, but for two years he has been here in Yucatán.

Tu jaajileʾ sijnal Chicago pero tsʾoʾok kaʾa pʾéel jaʾab yanchajak way Yucatáneʾ.

His brother is working as a teacher in the town of Campeche.

U sukuʾuneʾ táan u meyaj aj kaambesajil tu kaajil Campeche.

But José moved here to Peto because he wants to learn more Maya.

Pero Joséeʾ j máan way Petoeʾ tumen u kʾáat u kan u másil mayaʾ.

Now he's working in a store.

Bejlaʾeʾ táan u meyaj tiʾ un pʾéel tienda.

Questions & Answers

Tuʾux kajakbal kaʾach José.

José kajakbal kaʾach Joʾ.

Síijnal wáa Yucatán.

Tu jaajileʾ sijnal Chicago.

Jay pʾéel jaʾab yanchajak way Yucatáneʾ.

Tsʾoʾok kaʾa pʾéel jaʾab yanchajak way Yucatáneʾ.

Baʾax ku beetik u sukuʾun José.

U sukuʾuneʾ táan u meyaj aj kaambesajil tu kaajil Campeche.

José baʾaxten j máan way Petoeʾ.

Tumen u kʾáat u kan u másil mayaʾ.

Bejlaʾeʾ baʾax ku beetik.

Bejlaʾeʾ táan u meyaj tiʾ un pʾéel tienda.

06

Pablo, kʾáat tiʾ Hernán bix u kʾaabaʾ u kaajal letiʾ.

Pablo

Bix u kʾaabaʾ a kaajal teech, Hernán.

Hernán, aʾal tiʾ techeʾ u kʾaabaʾ a kaajaleʾ Xoy.

Hernán

Teneʾ u kʾaabaʾ in kaajaleʾ Xoy.

Pablo, aʾal tiʾ u láakʾ un pʾéel baʾaleʾ a kʾáateʾex a wojéelteʾex baʾax u meyaj.

Pablo

U láakʾ un pʾéel baʾaleʾ k kʾáat k ojéelt baʾax a meyaj.

Hernán, aʾal tiʾ a meyaj teech principaleʾ tiʾ kʾáax u meyjul kool.

Hernán

In meyaj teen principaleʾ tiʾ kʾáax u meyjul kool.

Pablo, aʾal tiʾ ka u tsol túun teʾex tu yoʾolal u meyjul kool.

Pablo

Tsol túun toʾon tu yoʾolal u meyjul kool.

Hernán, kʾáat tiʾoʾobeʾ baʾax u kʾáat u yojéelt tu yoʾolal.

Hernán

Baʾax a kʾáat a wojéelt tu yoʾolal.

Pablo, kʾáat tiʾ wa ku bisik máak baʾal u jaant ich kool.

Pablo

Ku bisik máak baʾal u jaant ich kool.

Hernán, aʾal tiʾ ma máses chen un pʾíit kʾeyem ku bisik u yukʾej.

Hernán

Maʾ máses chéen un pʾíit kʾeyem ku bisik u yukʾej.

Pablo, kʾáat tiʾ bix túun u preparartaʾal le kʾeyemoʾ.

Pablo

Bix túun u preparartaʾal le kʾeyemoʾ.

Hernán, aʾal tiʾ un pʾéel chan luuch kʾeyemeʾ ku puʾukʾul ichil un pʾíit jaʾ.

Hernán

Un pʾéel chan luuch kʾeyemeʾ ku puʾukʾul ichil un pʾíit jaʾ.

07

José, kʾáat tiʾ Pablo wáa uts tu tʾaan u kaambal.

José

Pablo, uts wáa ta tʾaan a kaambal.

Pablo, aʾal tiʾ techeʾ seen uts ta tʾaan kux letiʾ.

Pablo

Teneʾ seen uts tin tʾaan kux teech.

José, aʾal tiʾ bey xan teech tu láakal kʾiin ka bin escuela.

José

Bey xan teen tu láakal kʾiin kin bin escuela.

José, kʾáat tiʾ jay pʾéel año yaan tiʾ ka j káaj u bin escuela.

José

Jay pʾéel año yaan teech ka j káaj a bin escuela.

Pablo, aʾal tiʾ pues techeʾ diez años yaan teech ka j káaj a bin escuela.

Pablo

Pues, teneʾ diez años yaan teen ka j káaj in bin escuela.

José, kʾáat tiʾ wáa ku bin xan u sukuʾun escuela.

José

A sukuʾuneʾ ku bin wáa xan escuela.

Pablo, aʾal tiʾ maʾ letiʾeʾ maʾ uts tu yichiʾ.

Pablo

Maʾ letiʾeʾ maʾ uts tu yichiʾ.

José, kʾáat tiʾ wáa xaanchaj táan u xook Cantamayec.

José

Xaanchaj wáa táan a xook Cantamayec.

Pablo, aʾal tiʾ chéen dos años.

Pablo

Chéen dos años.

José, kʾáat tiʾ tuʾux j bin ka j lukʾ Cantamayec.

José

Tuʾux túun j binech ka j lukʾech Cantamayec.

Pablo, aʾal tiʾ ka j lukʾech Cantamayec ka j máanech Joʾ.

Pablo

Kin lukʾul Cantamayec ka j máanen Joʾ.

José, kʾáat tiʾ jay pʾéel año tu beetaj Joʾ táan u xook.

José

Jay pʾéel años ta beetaj Joʾ táan a xook.

Pablo, aʾal tiʾ seis años ta beetaj Joʾ.

Pablo

Seis años tin beetaj Joʾ.

José, kʾáat tiʾ bix u kʾaabaʾ le escuela tuʾux j xooknaj teʾ Joʾoʾ.

José

Bix u kʾaabaʾ le escuela tuʾux j xooknajech teʾ Joʾoʾ.

Pablo, aʾal tiʾ Colegio Americano u kʾaabaʾ.

Pablo

Colegio Americano u kʾaabaʾ.

08

It was really late when I went to sleep last night.

Jach áakʾabchaj ka j binen j wenel okʾnajeak.

Hernán is very tired; he wants to sleep.

Hernáneʾ jach kaʾanaʾan. Taak u wenel.

We are going serenading.

Toʾoneʾ táan k bin j tʾeelil.

The girls sleep very sweetly at 12 o'clock midnight.

Le x-baʾaloʾoboʾ jach kiʾ u weneloʾob las dos áakʾab.

Questions & Answers

Baʾax hora ka j binech wenel okʾnajeak.

Jach áakʾabchaj ka j binen j wenel.

Baʾax yaan tiʾ Hernán.

Letiʾeʾ jach kaʾanaʾan taak u wenel.

Tuʾux k bin toʾon.

Toʾoneʾ táan k bin j tʾeelil.

Baʾax hora jach kiʾ u wenel le x-baʾaloʾoboʾ.

Las dos áakʾab jach kiʾ u weneloʾob.

09

We will go to Margarita's house first.

Tu yotoch Margarita keneʾex yáax bin.

Hernán works in a store.

Hernáneʾ tiʾ tienda ku meyaj.

He told us to come to visit him there in the store.

Tu yaʾalaj toʾon ka taalakoʾon k xíimbalt teʾ j tiendaoʾ.

Alberto wants some candies.

Albertoeʾ u kʾáat tsʾeʾetsʾek chʾujuk.

Questions & Answers

Máax otoch keneʾex yáax bin.

Tu yotoch Margarita keneʾex yáax bin.

Tuʾux ku meyaj Hernán.

Hernáneʾ tiʾ tienda ku meyaj.

Hernáneʾ baʾax tu yaʾalaj toʾon.

Tu yaʾalaj toʾon ka taalakoʾon k xíimbalt teʾ j tiendaoʾ.

Baʾax u kʾáat Alberto.

Letiʾeʾ u kʾáat tsʾeʾetsʾek chʾujuk.

10

Alberto, kʾáat tiʾ José baʾax hora ka j bin wenel okʾnajéak.

Alberto

Baʾax hora ka j binech wenel okʾnéajak, José.

José, aʾal tiʾ jach áakʾabchaj ka j binech wenel, míin yaan las doce.

José

Jach áakʾabchaj ka j binen wenel okʾnajéak, míin yaan las doce.

Alberto, kʾáat tiʾ Hernán baʾax yaan tiʾ.

Alberto

Baʾax yaan teech, Hernán.

Hernán, aʾal tiʾ jach kaʾanaʾanech yéetel taak a wenel.

Hernán

Jach kaʾanaʾanen yéetel taak in wenel.

José, kʾáat tiʾ wáa táan u bin beʾooráaʾ.

José

Táan wáa a bin beʾooráaʾ.

Hernán, aʾal tiʾ míin táan a bin, taak a chital j wenel.

Hernán

Míin táan in bin. Taak in chital j wenel.

Alberto, kʾáat tiʾ tuʾux kun j chital le ken kʾuchuk.

Alberto

Tuʾux kan j chital le ken kʾuchukech.

Hernán, aʾal tiʾ le tuʾux chilajech okʾnajeakeʾ tiʾ kʾaan j kaʾa chitaliʾ.

Hernán

Pues le tuʾux chilajen okʾnajéakeʾ tiʾ kin kaʾa chitaliʾ.

José, aʾal tiʾ Hernán teʾexeʾ táan a bineʾex j tʾeelil.

José

Toʾoneʾ Hernán táan k bin j tʾeelil.

Hernán, aʾal tiʾ wáa táan u binoʾobeʾ, jeʾ a bin xaneʾ.

Hernán

Wáa táan a bineʾexeʾ jeʾ in bin xaneʾ.

José, aʾal tiʾ koʾox túun baʾax hora ken xiʾikoʾon.

José

Koʾox túun. Baʾax hora ken xiʾikoʾon.

Hernán, aʾal tiʾ jach las dos áakʾab.

Hernán

Jach las dos áakʾab.

11

Alberto, kʾáat tiʾoʾob máax iknal kaneʾex yáax bin.

Alberto

Máax iknal keneʾex yáax bin.

José, aʾal tiʾ tu yiknal Margarita kaneʾex yáax bin.

José

Tu yiknal Margarita keneʾex yáax bin.

Alberto, kʾáat tiʾ Hernán tuʾux ku meyaj beyaʾ.

Alberto

Techeʾ Hernán, tuʾux ka meyaj beyaʾ.

Hernán, aʾal tiʾ techeʾ tiʾ tienda ka meyaj.

Hernán

Pues teneʾ tiʾ tienda kin meyaj.

José, aʾal tiʾ jeʾeloʾ dependiente le beetik kaʾanaʾan u yookoʾob.

José

Jeʾeloʾ dependientech le beetik kaʾanaʾan a wookoʾob.

Hernán, aʾal tiʾoʾob bix maʾij dependientech. Baʾax kʾiin u taaloʾob u xíimbaltech teʾ j tiendaoʾ.

Hernán

Bix maʾij, dependienten. Baʾax kʾiin u taaloʾob u xíimbaltech teʾ j tiendaoʾ.

Alberto, aʾal tiʾ wáa jeʾ u tsʾáik teʾex chʾujukeʾ ka taalakeʾex.

Alberto

Wa jeʾ a tsʾáik toʾon chʾujukeʾ ka taalakoʾon.

Hernán, aʾal tiʾ jeʾeleʾ, bíimaʾak ka taalakoʾob.

Hernán

Jeʾeleʾ bíimaʾak ka taalakeʾex.

José, aʾal tiʾ Hernán jeʾeleʾ domingo a kʾuchuleʾex tu tienda.

José

Jeʾeleʾ Hernán, domingo k kʾuchul ta tienda.