Lesson 14: Listening In
01
José and Marcelino talk about night school
- Tuʾux j binech oknajeak, Marcelino.
- J binen xook.
- J binech xook bey yéetel áakʾaboʾ.
- Beyoʾ, j binen escuela kex tsʾoʾok u yáakʾabtal.
- Kux túun yéetel kʾiin ¿maʾa tech a bin?
- Maʾa tech tumen teneʾ kin bin tin kool.
- Minaʾan xook yéetel kʾiin.
- Yaan xan.
- Baʾaxten túun ka bin escuela bey áakʾaboʾ.
- Tumen in kʾáat in kan un pʾíit u másil xook.
- Áaj maʾ jach a wojel xook beyaʾ.
- Maʾa tech, maʾ in jach ojeliʾ. Jach chéen un pʾíit.
- Kux úuchij, baʾaxten maʾ j binech escuelaʾiʾ.
- J binen pero maʾ xáanchajiʾ.
- Jay pʾéel año táan a bin escuela.
- Chéen cinco años.
- Jay pʾéel año yaan teech ka j yáax binech.
- Míin yaan teen diez años.
- Jeʾeloʾ tsʾoʾok a nojochtal ka j yáax binech.
- Bix maʾij, bejlaʾ túuneʾ in kʾáat in kan u másil.
- A wíitsʾinoʾobeʾ, ¿ku binoʾob escuela?
- Ku binoʾob, tun chan kaambaloʾob xan.
- Kux a sukuʾunoʾob, ¿u yojeloʾob xook?
- Maʾa tech, maʾ u yojeloʾobiʾ.
- ¿Jach mix un pʾíit?
- Mix u pʾíit, maʾ uts tu yichoʾobiʾ.
- Peroʾ techeʾ uts ta wich, máasimaʾ.
- Teneʾ jach uts tin wich.
02
José and Marcelino talk about night school
- Uʾuyej, Pablo, ¿techeʾ jach a wojel xook?
- Maʾ jach maʾalobiʾ, Alberto.
- Más maʾalob a xook tiʾ teen. Más a wojel.
- Ken saj bixij. Míin maʾa tech.
- Techeʾ Joʾ ta kanaj xook, máasimaʾ.
- Bix maʾij, tiʾiʾ.
- Bix u kʾaabaʾ le escuela tuʾux j xooknajechoʾ.
- Colegio Americano u kʾaabaʾ.
- Áaj, in kʾajóol. Yaan un túul in amigo teʾeloʾ.
- Baʾaxten túun ta pʾataj.
- Pues tumen jach koʾoj u boʾolil.
- Áaj ku boʾotaʾal le teʾeloʾ.
- Claro minaʾan u tojol tiʾ in papa u boʾotik.
- Le beetik túun yanjij a pʾatik.
- Le beetik in wíitsineʾ tiʾ yaaniʾ.
- Teen xaneʾ. Taak in kaʾa bin beyaʾ.
- Yan in wilik tuʾux in chʾaʾik u tojol.
- Tsʾoʾok xan a suuktal teʾ Joʾoʾ, máasimaʾ.
- Tsʾoʾokij. Yaʾab in amigos yaan t Joʾ.
- Teneʾ maʾ.
- Baʾaxten.
- Pues tumen más suuken tiʾ chan kaaj.
- Pero jatsʾuts kaaj Joʾ.
- Leloʾ jaaj a tʾaan. Jatsʾuts.
- A kaajaleʾ míin maʾ nojoch kaajiʾ.
- Maʾa tech maʾ seen nojochiʾ.
03
Pablo and Marcelino talk about living in Mérida
- Marcelino láiliʾ wáa a bin j xookeʾ.
- Maʾa tech Pablo, úuch in pʾatej. ¿Kux teech?
- Mix teen. Maʾ tu páajtal in bin xook.
- Baʾax ka beetik bejlaʾeʾ.
- Pues teneʾ ich kool kin meyaj yéetel in papa.
- Jeʾeloʾ bey xan teen.
- Teneʾ in kʾáat bin Joʾ j meyaj.
- Maʾ táan a suuktal Joʾ, Pablo.
- Maʾa táan a tukulik. Baʾaxten.
- Teneʾ j binen pero maʾ suukchajeniʾ.
- In sukuʾunoʾ Joʾ yaan.
- Bey, pero suukech way tu yiknal a papaeʾ.
- Jeʾ in suuktal xan tiknal in sukuʾuneʾ.
- Jatsʾutsʾ u yantal máak Joʾ.
- Teneʾ way kin páatal in kool kʾáaxeʾ.
- ¿Maʾ talam a wilik u meyjul kooliʾ?
- Talam pero letiʾ suuk in beetik. Letiʾ in meyaj.
- Teneʾ in kʾáat bin Joʾ u tiʾaʾal in kan castellano xan.
- Leloʾ jeʾ a kanik xan wayeʾ.
- Maʾ más maʾalob teʾeloʾ.
05
06
They talk about the teachers in the school
07
08