Lesson 11: Listening In
01
José asks Marcelino about the post office
- Uʾuyej, Marcelino, a wojel wáa tuʾux ku koʾonol timbres.
- Bix maʾij in wojel. Baʾaxten.
- Tumen in kʾáat in man tsʾeʾetsʾekiʾ.
- Jach kʾabéet a manik beʾooráaʾ wáa maʾ.
- Jach kʾabéet, ku konik wáa timbres Don Hernán.
- Maʾ jach in wojel wa ku konik timbres xaniʾ pero koʾox ilik.
- Koʾox túun, teneʾ kʾabéet in manik.
- Baʾaxten jach kʾabéet a manik. Yan wáa a túuxtik carta.
- Bix maʾij, yan in túuxtik un pʾéel carta.
- Máax tiʾ, José.
- Tiʾ in mama, máax tiʾ ka tukulik.
- Uʾuyej, pues maʾ wáa ta waʾalaj teneʾ maʾa tech u xook a mama.
- Bueno, pero ku xoʾokol tiʾ tumen wa máax.
- ¿Maʾa tech u tsʾíib xan?
- Maʾa tech tumen chʾóop.
- Áaj, chʾóop. ¿Kux túun wa u kʾáat u túuxt carta?
- Pues ku tsʾíibtaʾal xan tiʾ tumen wa máax.
- Máax jach tsʾíibtik tiʾ.
- Pues in tío wa in tía.
- Jaaj wáa, ¿táan a kaʾa bin?
- Bix maʾij ichil kaʾa pʾéel kʾiin in bin.
- Baʾax kʾiin a suut wayeʾ.
- Taak in suut ichil kex cinco años.
- Kexiʾ ka suunakecheʾ.
- Dios boʾotik teech Marcelino, maʾ xaaniʾ.
02
Alberto talks with Pablo, the mailman
- Baʾax ka beetik, Pablo.
- Táan in bisik carta.
- Máax tiʾ ka bisik.
- Pues tiʾ yaʾab máakoʾob.
- Uʾuyej, wa a kʾáateʾ, il wa minaʾan in tiʾaʾaliʾ.
- Jaaj ta kaʾajsaj teen, yaan.
- Jay pʾéel yaan teniʾ.
- Óox pʾéel Alberto, ¿in tsʾa teech?
- Tsʾa teen tu yoʾolal k ilik máax túuxtik.
- Pues jeʾelaʾ un pʾéel, kaʾa pʾéel, óox pʾéel.
- Lelaʾ in mama túuxtik, le u láakʾa in sukuʾun.
- Kux le u láakʾoʾ.
- Leloʾ un túul amigo túuxtik.
- Beʾooráaʾ kiʾimak a wóol máasimaʾ.
- Bix maʾij, jach kiʾimak in wóol.
- Pues teneʾ in meyaj lelaʾ.
- Pues seen jatsʾuts a meyajaʾ.
- Baʾaxten ka waʾalik jatsʾuts.
- Pues tumen ka xíimbaltik le kaajaʾ.
- Áaj, leloʾ kin chan xíimbaltik.
- Míin yaʾab máak a kʾajóol máasimaʾ.
- Tu láakal in kʾajóol xan.
- Bey in tukulik.
- Pues maʾalob, Alberto, kaʾakaʾatech.
- Maʾalob, Pablo. Dios boʾotik.
- Mix baʾal.
03
Juan talks with José and Alberto
- Tin tukulaj tsʾoʾok a bineʾexeʾ.
- Maʾa tech, baʾaxten.
- Tu yileʾexoʾob wáa in sukuʾunoʾob.
- Máax túuxtech a kʾáatej.
- In papa yéetel in mama.
- Tu yiloʾonoʾob, baʾaxten.
- Tumen tu yaʾaloʾobeʾ u kʾáatoʾob tʾaan ta wéeteleʾex.
- Tu yiloʾonoʾob. Tsʾoʾok xan k tsikbal yéeteloʾob.
- Tuʾux ta wileʾexoʾob.
- Way j taaloʾob tʾaan t éeteleʾ.
- Baʾax hora, Alberto.
- Míin yaan un pʾéel hora máasimaʾ, José.
- Yaan, yaan un pʾéel hora.
- Baʾax tu yaʾaloʾob teʾex.
- Pues u kʾáatoʾob u bisoʾonoʾob, Peto.
- Maʾ wáa túun táan a bineʾex yéeteloʾob.
- Pues táan k tukulik k bin.
- A kʾajóol wáa Peto.
- Maʾ, maʾ in kʾajóoliʾ.
- Kux túun teech, Alberto.
- Mix teen in kʾajóol.
- Baʾax túun ta waʾaleʾex tiʾoʾob.
- Pues t aʾalaj tiʾoʾobeʾ maʾ xaaniʾ.
- Yan wáa a bin teech.
- Teneʾ yan in bin.
- Entonces wa ta wiloʾobeʾ, aʾal tiʾoʾob jeʾ k bineʾ.
- Maʾalob, jeʾ in waʾalik tiʾoʾobeʾ.
- Tuʾux ka bin beʾooráaʾ.
- Táan in bin tin taanaj.
- Jeʾeloʾ maʾalob, kaʾakaʾatech.